Les mots surlignés font l'objet d'une note
1Monsegneur, j’ay receu votre lettre du XXVIe du passé ; du jour
2mesme que fut le VIe de ce moys, ie fus devers Le
3Febvre, tresorier pour l’estraordinaire de Piedmont, qui
4m’asseura qu’il estoit assigné pour votre payement
5sur la recepte generale de Daulphiné et que des premiers
6deniers qui y seroient il vous feroit faire payement
7des huict moys portés par son estat, lequel il me
8monstra où vous estes retranché à deulx mil livres
9pour ceste année, revenantz à VIII XX VI l[ivres], XIII s[ous] IIII d[eniers]
10pour moys. Je scay bien pour certain que l’estat de
11monsieur de Joyeuse en est de mesmes. Vray que il a
12six ou sept mil livres tous les ans que les estatz de
13Languedoc luy donnent, sur lesquelles il peut bien
14passer son despit. Je n’avois rien sceu de ce retranchement
15et ne m’en fusse pas enquis sans ce que vous m’en avez
16escrit, car ie ne pouvois penser que on vous en eust
17réduit là. J’espère en parler de bonne façon à leurs
18maiestés à la première commodité que i’en pourray avoir
19et remonstrer à la royne qu’est costumière
20de dire et se louer qu’elle a faict toujours pour vous
21que si elle ne vous faict mieux traicter que
22vous n’estes, que la charge où elle vous a mis vous aura
23esté autant onéreuse et dommageable que honnorable.
24Je vous puis asseurer, Monsieur, que ie feus plus faché
25de voir ce retranchement que ie pense que vous ne serés
26vous mesmes et ne puis en cela estre payé de l’exemple
27des autres qui sont en semblable charge car ilz ont
28des moyens et des pratiques que vous n’avez pas.
29J’estime que la depeche du capitaine Spilly aura
30satisfaict au contenu de votre lettre au roy du XXVIe
31[v°] du passé, touchant la levée commandée à monsieur des
32Adretz et respondu à voz depeches precedentes.
33Monsieur de Montmorency est de retour à l’Isle-Adam
34de son voiage d’Angleterre avec tous messieurs ses frères.
35On pense qu’il est l’heure que Mons en Haynaut est assiegé
36par le duc d’Albe pour successeur du quel au gouver-
37nement des Pays-Bas, le duc de Medinacely estoit venu,
38apportant le congé dudit duc, pensant trouver le pays
39paisible et dict-on, qu’ilz se sont despartis la charge
40de façon que le vieil gouverneur a pris a recouvrer
41ce qu’il a perdu tant en Zélande qu’en Haynaut et
42le dernier venu a veillé sur la conservation du reste.
43On tient qu’à la Franche-Comté on prépare le passage
44des companies italiennes que vont en Flandres devers
45le duc d’Albe et doubte-on que ce passage ne garde
46monseigneur et madame de Lorraine de venir aux
47nopces de Madame. Monsieur d’Hourche est
48parti pour aller en Lorraine à cest effect.
49Ce iourd’huy, les deffences ont esté publiées de ne sortir
50pour aller en Flandres ou ailleurs hors le royaume
51pour la guerre et commandement à tous ceulx qui
52y sont ou en chemin, subgetz du roy, de se retirer.
53Le roy de Navarre doibt arriver demain en ceste
54ville, au devant duquel sont allez messeigneurs
55le cardinal de Bourbon et de Montpensier. le roy
56sera demain ici pour le recevoir dans le Louvre.
57On déplace dans le palais pour l’occasion des nopces.
58Sur l’estat du trésorier, i’ay veu monsieur d’Evènes
59soubz le nom du capitaine Gordes, enseigne de Monsieur le
60Chevalier, à cinquante livres par moys et a mesmes
61assignation que vous. Je présente mes très humbles recommandations
62à votre bonne grâce et à la sienne.
63Monsieur, ie prie Dieu qui vous conserve en très longue
64vie. De Paris, ce VIIme jullet 1572.
65Votre très humble et très obéissant serviteur
66S. de Boczosel